Б.Сағынтаев: Статистикалық шолу мәліметтері бойынша, қазақстандық табиғи газ қоры 83 жылға жетеді

«Елімізде газ өндіру жұмыстары қарқынды жүріп жатыр, оның көлемі қазір 43,2 миллиард текше метрге жетті, геологиялық ресурстарды бағалау бойынша, 4 триллион текше метр болатынын ескерсек, аталған энергия түрінің болашағы зор. Әлемдік энергетиканың жыл сайынғы статистикалық шолулары бойынша, қазақстандық табиғи газ қоры әлі 83 жылға жетеді. Бұл сала бойынша үкіметттің басты күші газ инфрақұрылымын дамыту мен еліміздің оңтүстік өңірлеріне бағытталатын газ тасымалдарын әртараптандыруға бағытталған»,-деді Б.Сағынтаев.      

Осыған қарай, Премьер-Министрдың орынбасарының айтуынша, газ саласын 2030 жылдарға дейін дамытудың тұжырымдамасы жүзеге асырылуда, елді газдандырудың бас кестесі жасалуда, оған сәйкес, 2030 жылы еліміздің газдандыру көлемі 42-ден 56 пайызға дейін артады. «Газбен қамтамасыз етілген «жасыл» елді мекендерінің саны  1050-ден 1600-ге дейін артады. Бұл ретте тұтынылатын газдың көлемі 2014 жылғы 12 миллиард текше метрден, 2030 жылы 18 миллиард текше метрге дейін жететіндігін айта кету керек»,-деді ол.

Б.Сағынтаевтың айтуынша, аталған көрсеткіштерге инвестиция көлемі 656 миллиард теңге болатын ірі инвестициялық жобаларды жүзеге асыру арқылы қол жеткізіледі. «Еліміздің оңтүстік өңірлерін үздіксіз газбен қамтамасыз етіп отыру мақсатында өзбек газын Бұқара-Орал және Бейнеу-Бозой-Шымкент арқылы Ресей газына алмастыру көзделіп отыр. Осылайша, Қазақстанның өзбек газына тәуелділігі жойылады»,-деді Б.Сағынтаев.      

Индира Кауметова