2015 жылдың соңына дейін Қазақстандағы кеніштеріге мұнай өндіру коэфицентін арттыру бойынша талдау жасалады
«Елбасы Үкіметке мұнай өндіру коэфицентін бүгінгі 30 пайыздан 5,7 пайызға дейін арттыруды қарастыратын технологиялық саясатты жүзеге асыруды тапсырды. Осыған байланысты биылғы жылдың соңына дейін мұнай кеніштеріндегі мұнай өндіру тиімділігін арттыруды жүзеге асыру бойынша жоспарлар мен болжамдардың жағдайына талдау жүргізіледі»,-деді Б.Сағынтаев.
Оның сөзінше, Үкімет мұнай өндірісінің тиімділігін арттыру мақсатында жер қойнауын пайдаланушыларды ынтыландыруға бағытталған нақты іс-шараларды қабылдамақшы.
«Жаңғырту жұмыстарының қорытындысы бойынша, 2017 жылы біз өзімізді мұнай өнімдерімен толық қамтитын боламыз. МӨЗ қуатын арттырумен қатар, қайта өңдеудегі тереңдіктің де көлемі артып, мұнай өнімдерінің сапасы Еуро-4, Еуро-5 стандарттарына дейін өзгереді»,-деді Үкімет басшысының орынбасары.
Жалпы алғанда, парламенттік тыңдауларда мұнай-газ саласының жағдайы ондағы өндірілетін көлемнің артып отырғандығына қарамастан, көптеген проблемалармен ұштасып жатқандығы айтылды. Бұл проблемалар өз кезегінде экономикамыздың дамуы мен мұнай бағасының ұдайы құбылып отыруына, кей жағдайда тіпті мұнай өнімдерінің жоқтығына байланысты түрлі қиындықтарды бастан өткеріп отырған тұрғындардың жағдайына кері әсерін тигізіп отыр. Әлемдік мұнай бағасының өсуі мен оның салдарынан Қазақстанға ғана тиесілі болып отырған мәселелер сөз болды. Олардың барлығы да жүйелі түрде қолға алып, шешуді қажет етеді, соның ішінде заңнамаларға өзгерістер енгізу арқылы да.
Индира Кауметова
