Б.Сағынтаев: Қазақстанда мұнай өндіретін кен орындарын кеңейту аясында 20 мыңға дейін жаңа жұмыс орындарын ашу жоспарлануда

1 Маусым, 2015 11:12

Қазақстанда мұнай өндіретін кенорындарын кеңейту аясында 20 мыңға дейін жаңа жұмыс орындарын ашу жоспарлануда, деп мәлімдеді ҚР Премьер-Министрінің бірінші орынбасары Бақытжан Сағынтаев Мәжілістегі Қазақстанның мұнайгаз секторының даму болашағы мен проблемаларына арналған парламенттік тыңдауда.

Б.Сағынтаев хабарлағандай, бүгінде «Қашаған» жобасы бойынша Солтүстік Каспий жобасының операторларымен бірлесіп қалпына келтіру жұмыстары жүргізілуде, коммерциялық тұрғыда мұнай өндіру бойынша барлық мәселелер реттелді және 2016 жылдың соңына қарай коммерциялық тұрғыда мұнай өндіруді қайта бастау көзделуде. «Теңіз» жобасы бойынша болашақта кеңеюді жүзеге асыру белгіленді, оның аясында Теңізшевройл мұнай өндіруді 1,4 есе арттыруды көздеп отыр. Яғни, бүгінгі 27 млн тоннадан 38 млн тоннаға дейін. «Жаңа құрылыс барысында 20 мыңға дейін жаңа жұмыс орындары ашу көзделген, жобаларды пайдалануға беру мерзімдері 2021 жылға белгіленудер»,- деп мәлімдеді ҚР Премьер-Министрінің бірінші орынбасары.

Бұдан басқа, Сағынтаев баса айтқандай, ірі жобаларды есепке алмағанда қазақстандық мұнай кенорындарының басым бөлігі мұнай өндіру шегінен өтті.

Индира Кауметова