29 Мамыр, 2015 20:21

Сенат депутаттары БҚО «Погодаево» шекара заставасында болды

Парламенті Сенаты Халықаралық қатынастар, қорғаныс және қауіпсіздік комитеті «Қазақстан Республикасының Мемлекеттік шекарасы туралы» заңды іске асыру мәселелері бойынша Орал қаласында көшпелі отырыс өткізді.

Шараға Сенат депутаттары, Ұлттық қауіпсіздік комитеті Шекара қызметінің басшылығы мен жауынгерлері, Батыс Қазақстан облысы әкімінің орынбасары қатысты.

Көшпелі отырыс аясында депутаттар қорғаныс өнеркәсібінің құрылымына кіретін «Оралдағы «Зенит» зауыты» АҚ қызметімен танысты. Бұл мекеменің негізгі міндеті еліміздің Қорғаныс министрлігі мен Ұлттық қауіпсіздік комитетінің Шекара қызметі үшін шағын кемелер мен кемелер жасау жөніндегі мемлекеттік қорғаныс саласының тапсырыстарын қамтамасыз ету болып табылады.

Сондай-ақ депутаттар «Погодаево» шекара заставасының қызметімен танысып, «Сырым авто» шекара бақылау бөлімінде және 2029 әскери бөлімде болды.

Отырысты аша келіп, комитет төрағасы И.Адырбеков 2013 жылы қабылданған «Қазақстан Республикасының Мемлекеттік шекарасы туралы» заң еліміздің мемлекеттік шекарасының қауіпсіздігін қамтамасыз етудің құқықтық негізі екенін атап өтті. «Жаңа заңда белгіленген міндеттер іске асып жатыр, сонымен қатар заңның тиімділігін артыру үшін шешуге тиісті мәселелер де бар», - деді сенатор.

Шекарадағы қазіргі жағдай, атқарылған жұмыстар, сондай-ақ шешуін талап ететін өзекті мәселелер туралы еліміздің Ұлттық қауіпсіздік комитеті төрағасы орынбасарының міндетін уақытша атқарушы – Шекара қызметінің директоры Д.Ділманов жан-жақты баяндады.

Сондай-ақ Батыс Қазақстан облысы әкімінің орынбасары И.Стексовтың сөз сөйлеп, атқарушы биліктің жергілікті органдарының, шекара қызметінің және басқа да мемлекеттік органдардың өзара іс-қимылындағы мәселелер «Қазақстан Республикасының Мемлекеттік шекарасы туралы» заңның тиімді іске асырылуын қамтамасыз етуге және қазіргі кездегі міндеттерді шешуге арналғанын атап өтті.

Өзекті мәселелерді талқылау барысында депутаттар автомобильдер өтетін бекеттерді көркейтуге (қозғалыс жолақтарын кеңейту, жолды күрделі жөндеу, атап айтқанда «Сырым авто» өткізу бекеті және Батыс Қазақстандағы басқа да өткізу бекеттері) байланысты шекара инфрақұрылымы нысандарына жер телімдерін беру мәселелері шешуді талап ететін атап өтті.

Отырысты қорытындылай келіп, комитет төрағасы И.Адырбеков «Қазақстан Республикасының Мемлекеттік шекарасы туралы» заңды іске асыру қарқынын бесеңдетуге болмайтынын, оған қоса айтылған өзекті мәселелер мейлінше шешілуі тиіс екенін атап өтті. Бұл тек ҰҚК Шекара қызметінің ғана емес, жергілікті атқарушы органдардың және министрліктер мен басқа да құзыретті органдардың міндеті.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды