ҚР-да 2013 жылдың 9 айы бойынша мұнай өндіру 3,1 пайызға өсті
16 Қазан, 2013 10:43
Қазақстанда 2013 жылдың қаңтар-қыркүйек айларында мұнай өндіру өсті, газ конденсатын қосқанда 3,1 пайызға көтерілген, деп Статистика агенттігінің баспасөз қызметі хабарлады.
«Қазақстанда 2013 жылдың қаңтар-қыркүйек айларында 60,516 млн тонна мұнай өндірілді, бұл 2012 жылдық көрсеткішпен салыстырғанда», - деп ведомствоның баспасөз қызметі хабарлады.
Статистика агенттігінің мәліметінше, шикі мұнайдың өнімі 51,503 млн тоннаны құраған, конденсат – 9,013 млн тонна.
Сонымен қатар, 2013 жылдың қаңтар-қыркүйек айлары бойынша елде 30,903 млрд текше метр табиғи газ өндірілген, бұл осыған дейінгі көрсеткіштен 2,8 пайызға жоғары. Бұл көрсеткіштен табиғи газ ауқымы 14,861 млрд текше метрді құрады, ал мұнай газы-15,917 млрд текше метр.
