• Басты
  • Шығыс Қазақстан облысында туу көрсеткіші 4,1 пайызға артты
27 Мамыр, 2015 17:31

Шығыс Қазақстан облысында туу көрсеткіші 4,1 пайызға артты

Шығыс Қазақстан облысындағы мемлекеттік және салааралық бағдарламалар ана өлімін екі есеге азайтып, бала өлімін 18 пайызға кемітуге мүмкіндік берді, ал туу көрсеткіші 4,1 пайызға көбейді, деді ШҚО әкімінің орынбасары Нұрымбет Сақтағанов Астанада өткен ҚР Президенті жанындағы Әйелдер ісі және отбасылық-демографиялық саясат жөніндегі ұлттық комиссияның отырысында.

Шығыс Қазақстан облысында туу көрсеткіші 4,1 пайызға артты | Strategy2050.kz

«ШҚО-да өткен жылдан бастап, 2014-2017 жылдарды қамтитын отбасын әлеуметтік-демографиялық дамыту туралы кешенді жоспар жүзеге асырылуда. «Шаңырақ» бағдарламасының аясында барлық құзырлы мемлекеттік органдар үкіметтік емес ұйымдармен бірлесіп, әлеуметтік жағынан аз қамтылған, жастар мен мүмкіндігі шектеулі жандарды қолдауға бағытталған шараларды жүзеге асыруда. Ал мемлекеттік және салааралық бағдарламалардың арқасында біздің облыста ана өлімі екі есеге, бала өлімі 18 пайызға қысқарып, туу көрсеткіші 4,1 пайызға артты»,-деді Н.Сақтағанов.    

Оның сөзінше, кепілдендірілген тегін медициналық көмектің арқасында барлық мүгедек әйелдер амбулаториялық көмек алуда.   

«Әйелдер скринингтік тексерулерден өтіп жатыр. Медицина мамандары мүгедек әйелдерге консультациялық көмектерді үйлерінде де көрсетеді. Бұл бағыттағы жұмыстары алдағы уақытта да жалғасын табады, өйткені ол бақылауда тұр. Мүмкіндігі шектеулі адамдар өздерін ыңғайлы сезінулері үшін барлық мүмкіндіктер қарастырылуда»,-деді Н.Сақтағанов.   

ШҚО әкімінің орынбасарының сөзінше, мәжіліс аясында мүгедектерге арналған кешен құру мәселесі көтерілуде.

Ботагөз Айтжанова

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды