Оралда ЖҚЖК аясында 23 кәсіпкер жеңілдікпен несие алды
27 Мамыр, 2015 18:56
Оралда 2015 жылы жеңілдікпен несие алуға 65 млн теңге бөлінді. 64 жаңа жұмыс орнын ашу жоспарланған. Бұл туралы «Жұмыспен қамтудың жол картасы-2020» бағдарламасының екінші бағытына қатысатын жобаларды анықтау кеңесінде белгілі болды.
Комиссия төрағасының айтуынша, бағдарламаның басты мақсаты жұмыссыздарға өз ісін ашуға көмек көрсету.
Аймақтың ІСБ хабарлағандай, комиссия 23 жобаны қарастырды, оның 17-сі Орал қаласының маңындағы ауылдар тұрғындарын қамтуға, 6 бизнесті кеңейтуге бағытталған. Олардың көбі ауыл шаруашылығы мен құрылыс, қызмет көрсетуге бағытталған.
Несие мөлшері 3 млн-ға тең. «Қарызды қайтару үдерісінде бір жарым жыл демалыс беріледі, одан кейін пайыздық мөлшер 6 пайызға тең болады», - деп хабарлады ІСБ.
