• Басты
  • Астанада БҰҰ-ның Таяу Шығыстағы бейбітшілік мәселесі бойынша БАҚ-на арналған Халықаралық семинары басталды
26 Мамыр, 2015 20:46

Астанада БҰҰ-ның Таяу Шығыстағы бейбітшілік мәселесі бойынша БАҚ-на арналған Халықаралық семинары басталды

Астанада Біріккен Ұлттар Ұйымының бұқаралық ақпарат құралдарының өкілдері үшін Шығыстағы бейбітшілік мәселесіне арналған екікүндік Халықаралық семинары басталды. Аталмыш шараны БҰҰ Қоғамдық ақпарат департаменті мен еліміздің Сыртқы істер министрлігі ұйымдастырды.

Астанада БҰҰ-ның Таяу Шығыстағы бейбітшілік мәселесі бойынша БАҚ-на арналған Халықаралық семинары басталды | Strategy2050.kz

СІМ-нің хабарлауынша, семинардың ашылу рәсімінде БҰҰ Бас хатшысының Коммуникация және қоғамдық ақпарат жөніндегі орынбасары Кристина Гайак, Парламент Мәжілісі төрағасының орынбасары, Еуразиялық медиафорумның ұйымдастыру комитетінің төрайымы Дариға Назарбаева мен Сыртқы істер министрі Ерлан Ыдырысов сөз сөйледі.

Өз сөзінде, Д.Назарбаева бүгінде Таяу Шығыстағы жағдайдың шиеленісе түскендігіне назар аударып, осындай жағдайда аймақтың бұқаралық ақпарат құралдарының өкілдері тәуекелге бел буа отырып,  онда болып жатқан оқиғалардан қалың көпшілікті хабардар етіп отырғандықтарын айтып өтті. «Жаңа ақпарат алаңдары адамдардың сана сезіміне әсер ете отырып, қоғамдық пікірге жағымды да жағымсыз да әсер қалдыра алады. Бүгін, осы семинардың аясында біз Таяу Шығыстың медиа саласында болып жатқан көптеген оқиғаларды ой елегінен өткізіп, талқылаймыз, біз сондай-ақ ондағы тарихты осы аймақтың өкілдерінің өздерінен естиміз, олар бізге нақты, әрі шындыққа сай ақпараттарды жеткізетін болады»,-деді Мәжіліс төрағасының орынбасары.    

Е.Ыдырысов өз кезегінде Таяу Шығыстың тәуекелі жоғары, Сирия, Ирак, Ливия және Йемен елдері кіретін  азаматтық соғыс қаупінің, сондай-ақ барлық мемлекеттерге проблема тудырып отырған «Ислам мемлекеті» террористік ұйымының қаупінің  алдында тұрғандығын атап өтті.  Бұл ретте министр израильдік-палестиналық реттеу бүтіндей алғанда, Таяу Шығысты жағдайды тұрақтандыру аясындағы басты проблемалардың бірі болып отыр, осы ретте халықаралық қауымдастықтың басты міндеті жағдайды реттеуге кедергі келтіріп отырған мәселелерді еңсеруге көмектесу болып табылатындығын атап өтті.    

Министр сондай-ақ Қазақстанның Сирия мен Йеменге қатысты шиеленістері бойынша және Иранның ядролық бағдарламасына қатысты принципті көзқарасы жөнінде баяндады.  

К.Гайак Қазақстан өкілдеріне осы семинарды ұйымдастырғаны үшін алғысын білдіріп, шараның палестиналық-израильдік шиеленістерді реттеу барысында орын алып отырған қауіптер мен Таяу Шығыстағы оқиғалар жөнінде бұқаралық ақпарат құралдарының ақпарат таратуына байланысты  пікір алмастыруға мүмкіндік беретіндігін атап өтті. К.Гайак сондай-ақ БҰҰ Бас хатшысы Пан Ги Мунның осы шараға қатысушыларға жолдаған жолдауын оқып берді, онда әлемдегі бейбітшілік мәселесіне қатысты принципті көзқарас айқын көрініс тапқан.   

Медиа –семинар жұмысына Таяу Шығыс бойынша сарапшылар мен дипломаттар және саясаткерлер, Халықаралық бұқаралық ақпарат құралдарының өкілдері қатысты. Олардың арасында БҰҰ Палестиналық тұрақты байқаушысы Рияд Мансұр, Израильдің бұрынғы министрі және Кнесет мүшесі Йоси Бейлина, Reuters, WAFA News Agensy, Al Jazeera, Haaretzи  сияқты ақпарат құралдарының редакторлары мен журналистері, Таяу Шығыс, Еуропа және АҚШ мемлекеттерінің қоғамдық ұйымдары мен ғылыми ортасының өкілдері қатысты.     

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды