• Басты
  • Биыл Ақтөбедегі Назарбаев зияткерлік мектебі тұңғыш түлектерін ұшырды
26 Мамыр, 2015 15:36

Биыл Ақтөбедегі Назарбаев зияткерлік мектебі тұңғыш түлектерін ұшырды

25 мамырда Ақтөбедегі физика-математика бағытындағы Назарбаев зияткерлік мектебінің 135 түлегі үшін соңғы қоңырау соғылды,деп хабарлады облыстың ішкі саясат басқармасы.

Биыл Ақтөбедегі Назарбаев зияткерлік мектебі тұңғыш түлектерін ұшырды | Strategy2050.kz

Аталмыш білім ордасының ұстаздар қауымы үшін бұл ерекше күн болды, себебі, биыл мектеп қабырғасынан тұңғыш түлектері ұшырылмақ.

Емтихандар нәтижелері бойынша бітірушілер тамаша білім деңгейлерін көрсете білді, олардың арасында тіпті, ЖОО студенті атанып үлгергендері де бар. 

«Оқушыларымыздың көпшілігі Назарбаев университетіне, АҚШ, Чехия, Болгария, Ресей, Малайзия және Қытайдың жоғары оқу орындарына түскен», - дейді мектеп директорының орынбасары Гүлназ Ниязалина.

Мектеп бітірушілер Кәмила Ахметова Гонконг политехникалық институтының студенті атанса, Жандос Жұмағазиев Санкт-Петербор политехникалық университетінде білім алу грантын жеңіп алған. 

Соңғы қоңырау салтанатында сөз сөйлеген білім ошағының директоры Сәуле Өмірбекова түрлі сайыстарда мектеп намысын қорғаған оқушыларға арнайы дипломдарды табыс етті. 

Айта кетейік, қазір Ақтөбедегі Назарбаев зияткерлік мектебінде 700-ден астам бала білім алады. 

Жалпы, биыл 6365 ақтөбелік мектеп бітіреді. Облыстағы 444 мектепте барлығы 122 мыңнан астам бала білім нәрімен сусындауда.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды