Петропавлда мүгедек балаларды түзету тобы құрылады
15 Қазан, 2013 13:35
Петропавлда қозғалу-сүйеніш жүйелері бұзылған мүгедек балаларды түзету тобы құрылу жоспарлануда, деп хабарлайды облыс әкімдігінің баспасөз қызметі.
«Батыр» балабақшасының кеңейтілуі нәтижесінде 10 қозғалу-сүйеніш жүйелері бұзылған мүгедек балаларды түзету тобы құрылу жоспарлануда. «Айгөлек», «Гулливер», «Арман» «Петрушок» балабақшаларында тілдері жетілмеген балаларды түзету топтары құрылмақ», - делінген хабарламада.
Сонымен қатар 44 орта мектепте көздері нашар көретін бүлдіршіндерге де түзету топтарын құру ұсынылуда. Осы мақсатта мүмкіндігі шектеулі балаларды емдеу қондырғыларын сатып алу жоспарлануда.
