Украина СІМ басшысы ҚР Президенті жанындағы Мемлекеттік басқару академиясына келді

Дипломат Академияның оқытушы-профессорлық құрамы мен докторанттар мен магистранттарға «Украинаның ЕЫҚҰ-на төрағалығы. Халықаралық аренадағы Украина. Қазақстан-Украина әріптестігінің артықшылығы» тақырыбында лекция оқыды.

Өзінің алғы сөзінде Академияның ректоры Б.Әбдірәсілов Уркаина министрінің келуі мен лекция оқығанына алғыс білдіріп, Академияның қызметін тарқатып айтып, Украина Президенті жанындағы Мемлекеттік басқару ұлттық академиясы арасындағы әріптестіктің негізгі қызметімен таныстырды.

Өз кезегінде Украинаның сыртқы істер министрі Украинаның төрағалығымен өтіп жатқан ЕЫҚҰ шеңберіндегі жасалып жатқан шаралар жайлы толық мәлімет берді. Киевтің сыртқы саясатындағы негізгі басымдылықтар мен Қазақстан мен Украина арасындағы әріптестіктің негізгі бағыттарымен таныстырды.

Сонымен қатар Л.Кожара Академия магистранттары мен профессорлық-оқытушылық құрамының сұрақтарына жауап берді.

Кездесудің қорытындысында Л.Кожараға ҚР Президенті жанындағы мемлекеттік басқару академиясының құрметті профессоры атағы берілді.