Берлинде ҚР мен ГФР арасындағы сыртқы істер ведомстволарының кеңесі өтті
СІМ-нің хабарлауынша, Қазақстандық делегацияға Консулдық қызмет департаментінің директоры Ардақ Мәдиев, ал неміс тарапынан ГФР-дің СІМ-нің Шетелдіктер мен босқындар жөніндегі департаментінің басшысы Оливер Шнакенберг өкілдік етті.
Күн тәртібі бойынша, келіссөздер барысында Қазақстан мен Еуропалық Одақ арасында визалық режимді жеңілдету мен реадмиссия және құқық саласы бойынша сондай-ақ өзге де бірқатар бағыттар бойынша ынтымақтастық мәселелері сөз болды.
Бұған қоса, тараптар 2014 жылдың 12-қарашасында Берлинде өткен Этникалық немістер жөніндегі қазақстандық-германдық үкіметаралық комиссияның мәжілісінде қол жеткізілген келісімдердің жүзеге асырылуын талқылады.
Өз кезегінде неміс тарапы Қазақстанның он мемлекет арасында визасыз режим енгізу мәселелсін жоғары бағалады, соның ішінде Германиямен де, сонымен қатар неміс тарапы консулдық мәселелер бойынша ынтымақтастықты одан әрі де тереңдете беруге бейіл екендіктерін білдірді.
