Б. Аяған: Қазақ хандығының 550 жылдығын мерекелеу - осы жылдың маңызды шараларының бiрi

23 Мамыр, 2015 11:13

Қазақ хандығының 550 жылдығын мерекелеу - осы жылдың маңызды шараларының бiрi, деп мәлімдеді ҚР Бiлiм және ғылым министрлiгi Ғылым комитетiнiң Мемлекет тарихы институтының директоры Бүркiтбай Аяған Орталық коммуникациялар қызметiнде өткен баспасөз мәслихатында.

«Екінші күн қатарынан өте маңызды тақырып бойынша ғылыми-тәжiрибелiк конференция өтуде. Тұңғыш Президент қорының тiкелей қолдауымен жүргiзiлiп жатқан конференцияға Қазақ хандығының тарихын, мемлекеттiң құрылуын зерттейтiн шетелдiк ғалымдар шақырылды. Ғалымдар кеше белсене қатысып, көптеген талқылаулар жүрдi. Бұл конференция барысында бiз өте көп мәлiмет алдық. Жалпы, Қазақ хандығының 550 жылдығын мерекелеу ағымдағы жылдың маңызды шараларының бiрi», - деді Б.Аяған.

Профессордың айтуынша, конференция барысында қазақ хандығы жайлы көптеген тың деректер, әлi сыры ашылмай жатқан тарих бойынша мағлұмат алынды.

«Бүгін конференцияның екiншi күнiнде Керей мен Жәнiбек ескерткiштерiн, ҚР Ұлттық мұражайын аралау жоспарланып отыр», - деп толықтырды Б. Аяған.

Ботагөз Айтжанова