22 Мамыр, 2015 18:17

Р. Жошыбаев: Бүгінде 26 мемлекет «ЭКСПО-2017» көрмесіне қатысатындықтарын ресми растады

Бүгінгі таңда 26 ел өздерінің «ЭКСПО-2017» Халықаралық мамандандырылған көрмесіне қатысатындықтарын ресми растады, деді Сыртқы істер министрінің бірінші орынбасары Рәпіл Жошыбаев Астана экономикалық форумының аясында өткен «ЭКСПО-2017» - тұрақты даму энергиясы» атты конференция барысында.

«Тұрақты дамудың энергетикалық ресурстарын тиімді пайдалану проблемасын шешудің басты үлесі әрине, 2017 жылы Астанада ЭКСПО көрмесін өткізу болып табылады. Көрме Орталық Азия мен ТМД аймағында алғаш рет өтеді және баламалы, жаңғыртылатын энергетиканы пайдаланудың дайындық жұмыстарына мықты, тың серпін беріп, ең үздік деген әлемдік технологиялардың таныстырылымын жасайтын алаң ұсынады, энергетикалық жағынан тиімді бағдарламалардың қолданысқа енуіне ықпал етеді»,-деді Сыртқы істер министрінің бірінші орынбасары, Халықаралық мамандандырылған «ЭКСПО-2017» көрмесінің комиссары Рәпіл Жошыбаев.

Оның сөзінше, бүгінде 26 мемлекет өздерінің халықаралық көрмеге қатысатындықтарын ресми растады. «Сонымен қатар өтініштер де түсіп жатыр, өзге мемлекеттердің тіркелуін күтеміз. Ресми түрде тағы 3 халықаралық ұйым қатысуға ниетті екендіктерін айтты, менің ойымша біз әлі көптеген мемлекеттерді тіркейміз, олар шамамен 60-70 мемлекет болады»,-деп жалғады ол.

«Біз үш қосымша тақырыбы бар өзекті тақырыпты таңдадық. Олар: CO2 қалдықтарын қысқарту, энергиялық тиімді өмір үлгісі мен энергия барлығы үшін тақырыптары»,-деді Жошыбаев.

Айта кететін мәселе, «ЭКСПО-2017» кең ауқымды мәселелерді қамтиды, сонысымен мемлекеттер мен халықаралық ұйым, ірі компания өкілдерінің қызығушылықтарын тудырып отыр.

«Астана экономикалық форумының өзінде ЭКСПО көрмесінің аясында және оның алдында осы салада жұмыс істейтін инженерлер мен ғалымдардың бүкіләлемдік конгресін өткізу жөнінде бастама көтерілуде. Осы ретте біз де Астана ең қызықты идеялар көтерілетін арнайы алаң болғанын қалаймыз. Бұл осы тақырыпты бұрыннан зерттеп жүрген жастардың да тәжірибелі ғылымдардың да ортасы. Астанада өтетін көрме халықаралық деңгейдегі айтулы оқиғалардың бірі болады деген үміттемін және біз «ЭКСПО-2017» көрмесін ең жоғары деңгейде өткізу үшін барымызды саламыз»,-деді Р.Жошыбаев.

Индира Кауметова

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды