Ә. Исекешев: 2018 жылы Қазақстанда әлемнің барлық қаржы орталықтарына жаңа әуе бағыттары ашылады

22 Мамыр, 2015 17:46

5 институционалды реформаны жүзеге асырудағы қадамдардың бірі авиациялық хабты жасақтау болып табылады, сонымен, 2018 жылы әлемнің барлық қаржы орталықтарына жаңа әуе бағыттары ашылады деп күтілуде. Бұл туралы VIII Астана экономикалық форумы аясында өтіп жатқан «Жаңа Жібек Жолы» халықаралық көлік бизнес форумы барысында ҚР инвестициялар мен даму министрі Әсет Исекешов хабарлады.

«Осыдан екі күн бұрын 5 институционалды реформаны жүзеге асыру бойынша нақты 100 қадам жарияланды. Аталмыш саладағы қадамдардың бірі авиациялық хабты жасақтау болып табылады, сонымен, 2018 жылы әлемнің барлық қаржы орталықтарына жаңа әуе бағыттары ашылады деп күтілуде», - деді Ә. Исекешев.

Министр атап өткендей, Сеулге рейс ашылуда, ал 2-3 жыл ішінде Дубай, Гонконг, Сингапур, Нью-Йорк, Токио сынды бағыттарда өзге де рейстер ашылады. «Бұл көлік логистикасын дамытуға үлкен серпін береді», - деп жалғастырды министр.

Оның үстіне, Исекешев толықтырып өткендей, еуразиялық трансконтиненталды дәлізді дамыту үшін мына бағыттар бойынша тасымалдауларға үлкен көңіл бөлінуде. «Біріншіден: ол Шығыс жағалауы Қытайдың ішкі провинциясынан Еуразиялық Одақ елдеріне, Еуропаға Қазақстан мен Ресей арқылы. Екіншіден: «Transenca» дәлізі арқылы Каспий, Қара теңіз, Оңтүстік Кавказ, Түркия, Иран елдеріне. 2020 жылға дейін ұзартылған стратегиялық құжаттарға сәйкес қазақстандық көлік жүйесі жаңа сапа деңгейіне көтеріледі», - деді ол.

«Елбасының «Нұрлы жол» бағдарламасы ҚХР-ның «Жібек жолы» бастамасымен үндесіп отыр, біздің ойымызша олар көлік дәлізінің дамуына үлкен үлес өосады», - деп түйді министр.

Индира Кауметова

Барлық жаңалықтар