ҚР ИДМ: ИИДМБ жүзеге асқалы өңдеу өнеркәсібіне тартылған тікелей инвестиция саны 2 есеге өсті
22 Мамыр, 2015 17:34
ИИДМБ жүзеге асқалы өңдеу өнеркәсібіне тартылған тікелей инвестиция саны 2 есеге өсіп, 17,6 млрд теңгені құрады, деді Астана экономикалық форумы аясында ҚР Инвестициялар және даму министрлігінің баспасөз хатшысы Қайсар Жұмабайұлы.
«Индустрияландыру аясында соңғы 5 жылда өңдеу өнеркәсібіне тартылған тікелей инвестицияның көлемі айтарлықтай өсті. Өңдеу өнеркәсбінің үлесі 7 пайызды құрады, индустрияландыру бағдарламасынан кейін 14 пайызға жетіп, 17,6 млрд теңгені құрады», - деді ол.
Айта кетерлігі, 2010-2014 жылдар аралығында тікелей шетел инвестицияларыцның көп бөлігін геологиялық барлау құрайды – 28,2 пайызды алды, яғни 35,5 млрд долларға тең. Одан кейінгі орында шикі мұнай және табиғи газ өндіру – 21 пайыз, 26,8 млрд долларды құрап отыр.
Анар Тәңірқұлова
