АЭФ аясында 1 млрд доллардың 8 меморандумына қол қойылды
22 Мамыр, 2015 17:19
Астана экономикалық форумының аясында өткен «Invest in Kazakhstan» инвестициялық форумында әлемнің ірі өнеркәсіп компанияларымен құны 1 миллиард доллар болатын 8 меморандумға қол қойылды, деді Инвестициялар және даму министрлігінің баспасөз хатшысы Қайсар Жұмабайұлы VIII Астана экономикалық форумы аясында өткен баспасөз мәслихатында.
«Кешегі күнгі жиынның қорытындысы бойынша, әлемнің ірі өнеркәсіп компанияларымен құны 1 миллиард доллар болатын меморандумға қол қойылды. Олардың ішінде 5 меморандум қазір жұмыс істеп жатқан инвесторлармен жасалды. Олар өздерінің жобаларын реинвестициялау қажет деп шешті. Олардың арасында француздық Danone, Қазақстандағы француздық іскерлік топтар қауымдастығы, Арматура шығаратын General неміс компаниясы мен тағы осы неміс және италиялық компаниялар бар. Қалған өзара түсіністік туралы меморандумдар жаңа инвесторлармен жасалды»,-деді Қ.Жұмабайұлы.
Естеріңізге сала кетейік, VIII Астана экономикалық форумына әлемнің 90 мемлекетінің саяси, сарапшылық жен әскер топтарынан 3 мыңға жуық адам қатысуда.
Анар Тәңірқұлова
