Ақмола облысында 2015 жылы 26 мектепке дейінгі мекеме ашылады
23 Мамыр, 2015 10:02
Ақмола облысында осы жылы 2730 орындық 26 мектепке дейінгі мекеме ашылады, деді облыс әкімдігінің отырысында экономика және бюджеттік жоспарлау басқармасының жетекшісі Бауыржан Малғаждар.
Ол атап өткендей, жыл басынан бері Шортанды ауданында 20 орындық жеке меншік балабақша, 20 орындық шағын орталық Зеренді ауданында, Целиноград ауданында 75 орындық 2 жеке меншік орталық ашылды. 1-6 жас аралығындағы балаларды мектепке дейінгі біліммен қамту 59 пайызды құрады.
Балаларды мектепке дейінгі біліммен қамтуды толық жүзеге асыру жоспарланған. Осы мақсатта 2730 орындық 26 мектепке дейінгі мекеме ашылмақ.
