Тәуелсіздік жылдары ҚР-да 40 мың километр автожол салынды – Б.Сапарбаев
22 Мамыр, 2015 16:11
Тәуелсіздік жылдарында Қазақстанда 40 мың километр автожол мен 2 мың 700 километр темір жол салынды, деді Премьер-Министрдің орынбасары Бердібек Сапарбаев VIII Астана экономикалық форумының барысында.
«Ал транзит әлеуетіне келетін болсақ, Қазақстан Азия мен Еуропаның ортасында орналасқан және біз аталған мүмкіндікті барынша пайдалануға тырысамыз. Елбасымыздың бастамасымен Азия мен Еуропа арасында алғаш рет ұзындығы 2700 километр болатын темір жол салынуда. 23 жыл ішінде Қазақстанда 40 мың километр автомобиль жолы мен 2700 километр темір жол салынды. Мұндай көлік құрылыстары Кеңес Одағы кезінде де болмаған. Барлық әлеуетті пайдалану біздің мемлекетімізге экономика өсімі мен жұмыс орындарының ашылуына мүмкіндік береді»,-деді ол.
Естеріңізге сала кетейік, VIII Астана экономикалық форумына әлемнің 90 мемлекетінің саяси, сарапшылық және іскер топтарынан 3 мыңға жуық адам қатысуда.
Анар Тәңірқұлова
