ҚР ДСӘДМ мен «Джонсон&Джонсон» ЖШҚ арасында өзара ынтымақтастық туралы меморандумға қол қойылды

Меморандумның басты мақсаты Қазақстан халқының денсаулығын нығайтуға бағытталған тараптардың өзара ынтымақтастығы боп табылады.  

ҚР ДСӘДМ мен «Джонсон&Джонсон» ЖШҚ арасындағы ынтымақтастық келесі бағыттарды қарастырады: 

-әлеуметтік маңызды аурулардың қазіргі заманғы терапиясы мәселелерінде денсаулық сақтау мамандарының білім деңгейін арттыру мақсатында ғылыми-білім беру бағдарламаларын әзірлеу және енгізу;
-әлеуметтік маңызды аурулардың қазіргі заманғы диагностикасы мен терапиясын Қазақстан Республикасында клиникалық тәжірибеге енгізу үшін ұсыныстар әзірлеу;

-әлеуметтік маңызды аурулар бойынша науқастарды емдеудің деңгейін арттыру бойынша бағдарламалар енгізу;

-әлеуметтік маңызды аурулар бойынша науқастар тізілімін құруға көмектесу және тәжірибелерді зерттеу;   

-фармакологиялық бақылау саласында тиімді ынтымақтастықты дамытуға көмектесу;

-жоғарыда аталған бағыттар бойынша мемлекеттік-жекеменшік серіктестік қағидалары мен тетіктерін қарастыру және әрі қарай енгізу.

Еске сала кетейік, «Джонсон&Джонсон» фармацевтикалық компаниясы – әлемге әйгілі ірі корпорация. Компания өндіретін дәрілік заттар мен медициналық қондырғылар Қазақстанда тегін медициналық көмектің кепілдік берілген көлемі шеңберінде пайдаланылады.