• Басты
  • Ақтөбеде мәдениет қызметкерлерін кәсіби мерекелерімен құттықтады

Ақтөбеде мәдениет қызметкерлерін кәсіби мерекелерімен құттықтады

23 Мамыр, 2015 15:46
Достық үйінде барлық қалалық мәдениет мекемелерінің қызметкерлері шақырылған Қазақстан Республикасының мәдениет және өнер қызметкерлерінің күніне арналған «Өнерім – өмірім!» атты мерекелік бағдарлама өтті, деп хабарлады облыстың ішкі саясат басқармасы.

Стратегиялық жоспар негізінде мәдениет саласының бәсекелестікке қабілеттілігін арттыру, мәдениет саласын насихаттап, дамыту, жастар саясаты бағытындағы іс-шараларды өткізу арқылы жастарды патриотизмге, отансүйгіштікке, салауатты өмір салтына тәрбиелеу, мемлекеттік тіл бағдарламасын насихаттау, көркемөнерпаздар ұжымдарының жұмысын, халықтық шығармашылығын дамыту, жетілдіру бағыттары бойынша «Ақтөбе қалалық мәдениет және тілдерді дамыту бөлімі» ММ-не қарасты 20 мәдениет мекемелері жұмыс атқарып келеді:

«Мерекелік бағдарламаның ұйымдастырушылары мәдениет және өнер қызметкерлеріне үлкен сыйлық жасады. Биыл ең бірінші рет қалалық мәдениет мекемелерінің шығармашылық ұжымдары мен қызметкерлері залда көрермен ретінде бағдарламаны тамашалау мүмкіндігіне ие. Өзге мекемелердің шығармашылық ұжымдары әріптестеріне музыкалық композициялардан шашуларын тарту етті», - делінген хабарламада.

Мерекелік бағдарламада: «Самрұқ» эстрадалық балеті, «Талисман» би театры, қалалық балалар және жасөспірімдер орталығы, А.Жұбанов атын. Ақтөбе музыкалық колледжі, Ақтөбе гуманитарлық колледжі, Т.Бегельдинов атын. әуе қорғаныс күштері әскери институты, М.Бөкенбаев атын.Ақтөбе заң институты және қалалық шығармашылық байқаулардың жеңімпаздары өз өнерлерін тарту етті.

 

 

Барлық жаңалықтар