ТМД елдерінің әртістері Астанада ортақ қойылыс қойды
23 Мамыр, 2015 15:13
Елордада М. Горький атындағы Мемлекеттік академиялық орыс драма театрында Ұлы Отан соғысындағы Жеңістің 70 жылдығына арналған «Бейбітшіліктің алғашқы күні» атты қойылым сахналанды.
Аталмыш жобаның ерекшелігі Қазақстан, Беларусь, Молдова, Ресей, Тәжікстан және Өзбекстан елдерінің орыс драма театрларының бірігіп атқарғандығы болып табылады.
Қойылым аталған елдердің ортақ тарихынан сыр шертеді. Оны сахналамас бұрын Санкт-Петербург қаласының театрлық оқу орындарының педагогтары әртістерге арналған шеберлік сағаттарын өткізді.
Шеберлік сағаттары бағдарламасының жетекшісі, композиция мен спекталкьдің авторы – Ресейдің еңбек сіңірген мәдениет қайраткері Юрий Томошевский.
«Бейбітшіліктің алғашқы күні» спектаклі жыл бойы Мәскеу, Астана, Ташкент, Душанбе, Гродно және Кишинев қалаларында көрсетіледі.
Жоба 16 мамыр күні Мәскеуде бастау алып, қарашаның 25 күні Молдова астанасында аяқталады.
