Қазақстанда алты елдің ең үздік құтқарушылары жарыстарын жалғастыруда (Фото)

«Табиғи орта жағдайларында іздестіру-құтқару жұмыстары» дистанциясындағы халықаралық сынақта аралық нәтижелер бойынша «Таудағы құтқару жұмыстары» деңгейінде РФ Ханты-Мансийский автономдық округінің командасы алда келе жатыр. «Тауға шығу» деңгейінде Республикалық жедел құтқару жасағы (Қазақстан) барынша жоғары балл алған.

Қазақстандық құтқарушылар арасындағы жарыстарда «Ілмелі өткел», «Тауға шығу» және «Таудағы құтқару жұмыстары» деңгейлерінде Солтүстік өңірлік аэромобильді жеде-құтққару жасағының (Қостанай қаласы), Оңтүстік Қазақстан және Батыс Қазақстан облыстарының Жедел-құтқару жасақтары алда.

«Техногенді апаттар жағдайларында іздестіру-құтқару жұмыстары» дистанциясында жарыстар өтіп жатыр.

«Жол-көлік оқиғалары + Теміржол апаты», «Үйінді» және «Форт» деңгейлерінен өткендердің халықаралық сынағында жиналған балл сомасы бойынша Қазақстан құтқарушылары алда келе жатыр. «Лабиринт» деңгейінде Қырғыз Республикасының командалары ең үздік нәтижелер көрсетті.  «МӨҚ» деңгейінде РФ Ханты-Мансийский автономдық округі айтарлықтай алға шыққан. «Химиялық аврария» деңгейі бойынша Беларусь Республикасының құтқарушылары барлығынан озып шықты.

Осы дистанцияда қазақстандық сынақта «Батыс Қазақстан, Солтүстік Қакзақстан, Алматы облыстарының және Удмуртия (Ресей) командалары ең үздік көрсеткіштер көрсетіп жатыр.