Н.Назарбаев біріккен Еуразиялық экономикалық кеңістік құруды ұсынды (Фото)

«Еуразиялық экономикалық одақпен еркін сауда жүргізуге 40 ел қызығушылық танытты. Еуропалық одақ пен Еуразиялық экономикалық одақ арасында келісім жүргізу өте тиімді болар еді. Біз оған да жетеміз деп ойлаймын, себебі ол өзара  тиімді. Біз осы жода тоқтамауымыз керек, мен жоғарғы жеделді мультимодальді «Еуразиялық трансконтинентальді дәліз» көліктік бағытын ашуды ұсынамын. Ол біздің барлық шекарамыз арқылы өтіп, Азия мен Еуропаны  кедергісіз біріктіреді», - деді Н.Назарбаев.

Президент атап өткендей,  бұл жол өткен елдердің қауіпсіздігі мен тұрақтылығын қамтамасыз етеін болады.  «Транспорттық артерия барлық елдің өндірісін дамытуға серпін береді. Көлік саласындағы бірлескен бастамалар ынтымақтастықтың мықты іргетасы. Ол елдердің терең интеграциясына жол ашпақ, сондай-ақ, өңірлік бірігуге әкеледі. Мен біріккен Еуразиялық экономикалық кеңістік құруды ұсынамын», - деді Н.Назарбаев.

Елбасының айтуынша, бірыңғай тәртіп қабылдау маңызды, ол барлық қатысушылардың ұлттық қызығушылықтарына жауап беруі тиіс, сондай-ақ, ол кедергілерді жоюға және өзара тиімді интеграцияны ұсынуы тиіс. « Тәртіптер ең біріншіден, сауда, тасымалдау, ресурстардың қозғалысына байланысты болуы керек. Жібек жолы экономикалық белдеудің ашылуы бұл бастаманы бекітеді. Бірікке Еуразиялық кеңістік аясында  мүшелер арасында интеграцияны көтеру және континенттің дамуы мен бағыты туралы мәселелерді талқылау үшін алаң құрылуы керек.  Астана экономикалық форумы бұл жобаға қажетті алаңға айнала алады», - деді Н.Назарбаев. .

Индира Кауметова

Суретке түсірген Азамат Әлиев