Алдағы 30 жылда азық-түлік өнімдерін екі есеге ұлғайту қажет болады - ҚР Президенті

«Қазіргі таңда жаһандық деңгейде болашақ даму үшін үлкен қауіп тудырып отырған төмендегідей қатерлер қалыптасып, дамып келеді. Біріншіден, әлемдік тәртіптің фрагментациялануы. Біз бүкіл әлем бойынша бұрынғы тіреулер мен тепе-теңдіктің төмендеп бара жатқандығын, ұлы державалар арасындағы сенімнің жоғалғандығын, халықаралық құқықтың тоқырауға ұшырағандығын байқап отырмыз. Халықаралық институттар біз ылғи үміт артып келген бейбітшілік пен тұрақтылықты қамтамасыз ете алмай отыр»,-деді Президент.

Екіншіден, Мемлекет басшысының сөзінше, климат пен пандемияның өзгеруінің стихиялы факторлары. «Климаттың өзгеруі біз күткеннен өте жылдам жүріп жатыр. Бұл өз кезегінде табиғи апаттардың күрделенуіне әкеліп отыр. Непалда болған жойқын апат, әлемдік қауымдастық тиісті деңгейде шара қолданып, бұл елге көмек көрсете алмады»,-деді Елбасы.

Президент айтқанындай, үшінші қатер азық-түлікке деген зәруліктің тұрақты өсуі. «Тұрғындардың өсуі, кірістер мен урбанизация сияқты үш паралельді үдерістердің ықпалымен алдағы 30 жылда азық-түлік өнімдерін 2 есеге ұлғайту қажет болады және бұны жердегі ресурстардың барлығы таусылғанда жүзеге асыру қажет болады»,-деді Н.Назарбаев.    

 Индира Кауметова