«Батыс Еуропа – Батыс Қытай» дәлізінің қазақстандық учаскесіндегі жүк айналымы жылына 30 млн тоннаға дейін жетеді
22 Мамыр, 2015 12:11
«Батыс Еуропа – Батыс Қытай» дәлізінің қазақстандық учаскесіндегі жүк айналымы жылына 30 млн тоннаға дейін жетеді, деп мәлімдеді ҚР Президенті Нұрсұлтан Назарбаев Астана экономикалық форумының пленарлық отырысында.
«Біздің алғашқы жобамыз «Батыс Еуропа – Батыс Қытай» дәлізінің қазақстандық учаскесін салу болып табылады, оның жалпы ұзындығы 8 мың шақырым, ал Қазақстан арқылы өтетін бөлігінің ұзындығы 3 мың шақырымға жуық шамада. Бұл бөліктің құрылысы ағымдығы жылы аяқталады», - деді Н. Назарбаев.
Президенттің айтуынша, «Батыс Еуропа – Батыс Қытай» дәлізінің қазақстандық учаскесіндегі жүк айналымы жылына 30 млн тоннаға дейін жетеді. «Бұл тас жолы Қазақстан,Қытай мен Еуропаны байланыстырып қана қоймай, оған Орта Азия елдеріне мүмкіндік беріледі», - деп атап өтті Елбасы.
Индира Кауметова
