Н.Назарбаев Астанада халықаралық қаржы орталығын құру туралы жарлыққа қол қойды

«Мен Астанада халықаралық қаржы орталығын құру туралы жарлыққа қол қойдым. 2017 жылы ЭКСПО-2017 әлемдік көрмесін өткіземіз. Нысандар өте белсенді салынуда. Көрме өткен соң, тұрғызылған нысандардың барлығын қаржы орталығына өткізуді көздеп отырмыз. Барлық нысандар дайын», - деді Елбасы.

ҚР Прездентінің айтуынша, Дубай орталығымен маңызды келіссөздер жүргізілді, онда Қазақстан олардың заңы, экономикасы мен әдісін көшіру туралы келісім орнатылды. «Ол ағылшын құқығы негізінде жасалады, жеңілдікпен салық режимі және тәуелсіз қаржы соты арқылы жүзеге аспақ. Біз Астана қаржы орталығы Қапзақстан қаржы инфрақұрылымының өзегіне айналатынына сенімдіміз. Сондай-ақ, Орталық Азия үшін қаржылық хаб болуы да әбден ықтимал», - деді Н.Назарбаев.

Елбасы атап өткендей, Қазақстанның көптеген қаржы институттары орналасқан Алматы қаласы  қаржы орталығын дәнекерлеуші және қаржы өткізушісі ретінде сақталатындығын айтты. Бұл шаралардың барлығы ұзақмерзімді тұрақты дамуды қамтамасыз етеді.

Индира Кауметова