• Басты
  • Ақтөбеде жастардың Қазақстан халқы Ассамблеясы құрылды

Ақтөбеде жастардың Қазақстан халқы Ассамблеясы құрылды

22 Мамыр, 2015 11:04
Ақтөбеде ҚХА-ның жұмысына жасөспірімдер мен бойжеткендерді тарту, ұлтаралық келісімді нығайту мақсатында жастардың Қазақстан халқы Ассамблеясы құрылды.

Аймақтың ІСБ хабарлағандай, оның ашылуына «Оксана» украин этномәдени бірлестігі ұйытқы болды.

«Мұндай тәжірибе Көкшетауда бар, алайда онда әр диаспора жеке мектепке тіркелген. Ал, Ақтөбеде орта мектептермен, колледждермен және жоғарғы оқу орындарымен ынтымақтастықта жұмыс істеу керек деп шешілді», - деді ЭМБ жетекшісі Валентина Моисеенко.

Ұйымдастырушылардың айтуынша, жастар ассамблеясының мақсаты жастарды, оқу орындарының студенттерін этностың мәдениетіне, төл тарихына жақындастыру. Жалпы, ұлттары әр түрлі жастардың өзара келісімін нығайту. 

Жастар ассамблеясының ашылуына ЭМБ-дің өкілдері мен белсенділері қатысты. Студенттерге аймақтық этномәдени бірлестіктердің куәліктері берілді.

Жалпы, шара Ақтөбедегі оқу орындары мен этномәдени бірлестіктердің флэшмобымен және салтанатты кешімен аяқталды.

Барлық жаңалықтар