ЕҚДБ Павлодарлық трамвай паркін жаңарту үшін 2,5 млрд теңге бөледі

22 Мамыр, 2015 10:31

Астанада өткен VIII Экономикалық форум жұмысы барысында Еуропалық қайта құру және даму банкі мен Павлодар облысы әкімдігі арасында ынтымақтастық жөнінде меморандум жасалды, деп хабарлады аймақ әкімдігі.

Қол қойылған құжат шеңберінде Еуропалық қайта құру және даму банкі қалалық трамвай паркін жаңартуға 2,5 млрд. теңге қаражат бөледі.

Еуропалық қайта құру және даму банкі қолдау көрсетіп отырған жоба трамвай паркінің үшінші бөлігін жаңартуға бағытталған. Атап айтқанда, 25 заманауи вагон сатып алынбақ, трамвай жолдарының тораптары нығайтылмақ және басқа да тиісті инфрақұрылымдар жаңартылмақ. Еуропалық қайта құру және даму банкі қаражатты трамвай жүйесінің операторы «Павлодар трамвай басқармасы» АҚ-ға бөледі. Аталмыш кәсіпорын сондай-ақ ҚР Үкіметі тарапынан 910 млн. теңгеге жуық инвестициялық субсидия алады.

«Еуропалық қайта құру және даму банкі мен ҚР Үкіметі аталмыш жәрдемді 2014 жылғы мамырда екі тарап құрған «Нығайтылған серіктестік» аясында ұсынып отыр», - делінген хабарламада.

Барлық жаңалықтар