Астанада Қазақстан мен Азиялық даму банкі арасындағы ынтымақтастық талқыланды

Тараптар Қазақстанның  Азиялық даму банкімен ынтамақтастығын талқылады. АДБ жобаларды іске асыруға белсенді түрде қаржылық сектордың оның ішінде;  шағын және орташа бизнесті; инфрақұрылымды; көлікті қоса алғанда; энергетика және қалаларды дамытуға ықпалын тигізіп отыр, деп хабарлады қаржы министрлігі.

АДБ басым бағыты жеке секторды дамыту, сол сияқты мемлекеттік-жекеше әріптестікті қоса алғанда өңірлік ынтымақтастықты және ықпалдастықты болып табылады.

Қазақстан Республикасының Қаржы министрі Бақыт Сұлтанов  2014 жылғы 4 мамырда АДБ басқарушы кеңесінің жыл сайынғы 47-отырысында Астана қаласында қол қойылған әріптестік туралы негіздемелік келісімнің шеңберінде АДБ-мен жаңа ынтымақтастық аса маңыздылығын атап көрсетті.  

Өз кезегінде, Азиялық даму банкінің вице-президенті Венчай Жанг энергетика, көлік инфрақұрылымы, экономиканы әртараптандыру және білімге қолдау көрсету сияқты салаларда АДБ мен Қазақстан арасындағы ынтымақтастықты жалғастыруға қызығушылығын білдірді.

Айта кетерлігі, Қазақстан мен АДБ ынтымақтастығы 1994 жылдан бастап осы уақытқа дейін АДБ тарапынан 21 мемлекеттік қарыз ұсынылған және 2 мемлекеттік кепілдігімен сомасы 3 млрд АҚШ долл, жеке меншік секторларға  мемлекеттік кепілдігінсіз сомасы 455,2 млн АҚШ долл құрайтын 8 қарыз, және техникалық көмек ретінде сомасы 31,09 млн АҚШ долл болатын 69 жоба ұсынылған.