Хелен Кларк: БҰҰДБ мемлекеттік басқару саласында аймақтық хабты жасақтауда Қазақстанның серіктесі
21 Мамыр, 2015 19:54
БҰҰДБ мемлекеттік басқару саласында аймақтық хабты жасақтауда Қазақстанның серіктесі болып табылады. Бұл туралы VIII Астана экономикалық форумы барысында БҰҰ Даму бағдарламасының (БҰҰДБ) директоры Хелен Элизабет Кларк хабарлады.
«Біз Қазақстан мен БҰҰДБ-ға қатысты бірқатар маңызды мәселелерді талқыладық. Дәлірек айтсақ, жергілікті мемлекеттік басқару, энерготиімділікті арттыру және мемлекеттік басқарудағы реформалар салалары сөз болды. Біз Қазақстан Республикасын дамыту бойынша өз тарапымыздан барлық шараларды қабылдаудамыз», - деді Х. Кларк.
Осы ретте, БҰҰДБ директоры атап өткендей, ұйым ҚР-мен серіктес болғаны үшін қуанады.
«Өздеріңіз білетіндей, даму саласында ынтымақтастық бойынша қазақстандық агенттікті құру туралы шешім қабылданды, бүгінде аталмыш агенттікті құру жұмыстары соңына таяп қалды. БҰҰДБ-ның мемлекеттік басқару саласында аймақтық хабты жасақтауда Қазақстанның серіктесі
болғаны үшін қуаныштымыз», - деп түйді Х. Кларк.
Индира Кауметова
