«Бизнестің жол картасы-2020» аясында ШҚО Жарма ауданында 43 жоба іске асырылады
14 Қазан, 2013 10:35
«Бизнестің жол картасы-2020» бағдарламасы аясында ШҚО Жарма ауданында шағын кәсіпкерлікті дамытуға 115 млн теңге бөлінді. Комиссия қарауына 46 жоба өткізілді, соның 43-іне келісім берілді, деп хабарлайды облыс әкімдігінің баспасөз қызметі.
«Бизнестің жол картасы-2020» бағдарламасының екінші бағыты бойынша Жарма ауданында шағын бизнесті дамытуға 115 млн теңге бөлінді.Комиссия қарауына 46 жоба өткізілді, соның 43-іне келісім берілді. 38,3 млн теңгелік 19 жоба «Ауылшаруашылықты қаржылай қолдау қоры» арқылы несиелендіріледі», - делінген хабарламада.
Расталған өтініштердің ішінде – мал асырау жобалары, шағын наубайхана цехтарын ашу, құрылыс материалдарын дайындау, халыққа тұрмыстық қызметтер көрсету, және көлік жөндеу орындарын ашу жобалары бар.
