• Басты
  • Г.Әбдіхалықова: Қазақстан әйелдері - ел экономикасының мызғымас тірегінің бір бөлігі

Г.Әбдіхалықова: Қазақстан әйелдері - ел экономикасының мызғымас тірегінің бір бөлігі

21 Мамыр, 2015 19:43
Бүгінде Қазақстан әйелдері - ел экономикасының мызғымас тірегінің бір бөлігі, деп мәлімдеді Мемлекеттік хатшы, Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Гүлшара Әбдіхалықова VIII Астана экономикалық форумы барысында.

«Елбасы «Қазақстан - 2050» стратегиясында әйелдер қауымының ролін атап өтіп, оларға бизнес жүргізуге қолайлы жағдай жасауды тапсырды. Жыл сайын қаралатын мәселелер саны мен кәсіпкер әйелдер қауымы артып келеді, олар біздің форумымызға көптеп қатысуда», - деді Г. Әбдіхалықова.

Мемлекеттік хатшының айтуынша, бүгінде Қазақстан әйелдері  - ел экономикасының мызғымас тірегінің бір бөлігі, қозғаушы күші.

«2014 жылы біз жұмыс істейтін әйелдердің ер азаматтармен салыстырғандағы үлесі бойынша жаһандық индексте жоғары 25 орыннан табылдық.  Жалпы, әлемдік қауіптерге уақытылы қарсы әрекет ету үшін адам ресурстарын тиімді пайдаланған жөн. Осы ретте, Қазақстанда әйелдер кәсіпкерлігін дамытуға барлық жағдай жасалуда», - деп түйді ол.

Анар Тәңірқұлова 

Барлық жаңалықтар