21 Мамыр, 2015 19:13

Г.Әбдіхалықова: «Нұрлы жол» жобаларын іске асыру ісіне әйелдердің көбірек тартылуын қамтамасыз ету маңызды

Мемлекеттік хатшы, Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Г.Әбдіхалықова VIII Астана экономикалық форумы аясында өткен «Нұрлы жол жаңа мүмкіндіктер» атты Халықаралық әйелдер форумына қатысты.

Форум жұмысына Қазақстан Республикасы Парламенті Мәжілісінің депутаты М.Қазбекова, Ауғанстан Парламентінің депутаты Ш.Баракзай, БҰҰ Даму бағдарламасының әкімшісі Х.Кларк, Нобельдік бейбітшілік сыйлығының 2011 жылғы лауреаты Т.Карман, сондай-ақ таяу және алыс шет елдердің саяси, экономикалық, бизнес-топтары өкілдері қатысты.

Форумды ашқан Г.Әбдіхалықова гендерлік теңдікті ілгерлетудегі және әйелдердің іскерлік белсенділігін арттырудағы еліміздің жетістіктерін атап өтті. Мемлекеттік хатшы институционалдық тәсілдерді жетілдірудің, әйелдер кәсіпкерлігін одан әрі дамытуға инвестициялар мен инновациялар тартудың және әйелдерді оқыту мен олардың біліктілігін арттырудың заманауи инфрақұрылымын жасау қажеттілігіне назар аударды.

Г.Әбдіхалықова қазіргі кезеңде инфрақұрылымдық дамудың 2015-2019 жылдарға арналған «Нұрлы жол» мемлекеттік бағдарламасындағы жобаларды іске асыру ісіне әйелдердің көбірек тартылуын қамтамасыз ету маңызды екенін айтты.

Сонымен бірге, форумда әлемдік жаңа трендтер жағдайында әйелдердің экономикалық белсенділігін одан әрі арттыруға қатысты сын-қатерлер мен мүмкіндіктер талқыланды.
Форумды Қазақстанның іскер әйелдер қауымдастығы «Нұрлы жол болашаққа бастар жол» жолдауын іске асыру аясында ұйымдастырды. Форум жұмысының қорытындысы бойынша әйелдердің экономикалық мүмкіндіктерін арттыру, әйелдер арасындағы жұмыссыздық деңгейін төмендету, әйелдердің көшбасшылық әлеуетін арттыру, сондай-ақ Қазақстанда шағын және орта бизнесті қолдау жөнінде ұсынымдар әзірленді.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды