Р.Ошақбаев: ЕАЭО Іскерлік кеңесі Одаққа мүше елдердің кәсіпкерлеріне бизнес-жобаларды талқылауға мүмкіндік береді

«ЕАЭО Іскерлік кеңесі бүгінгі таңға дейін қызмет етіп келген Қазақстан, Беларусь және Ресей мемлекеттерінің ең ірі бизнес-қауымдастықтарын біріктірген «Бизнес-диалог» алаңын алмастырады да енді оның құрамында жаңа мүшелері болады. Ол айтарлықтай серпін береді – біз барлық бес мемлекеттің бизнес-қауымдастықтарының біріктірілген, тікелей коммуникациялары мен мүмкіндіктеріне қол жеткіземіз»,-деді Р.Ошақбаев.   

Оның сөзінше, Қазақстан жекелеген салаларда объективті бәсекелес бола алады, соған қарамастан, мүдделердің  басым бөлігі ортақ болады.   

«Бұрындары бізде ЕЭК мен «Бизнес-диалог» арасында үйлестіру кеңесінің форматы бар болатын, қазір біз оның «ЕЭК және Іскерлік кеңес»  сияқты екіжақты форматын жасаймыз»,-деп қосты Р.Ошақбаев.   

ҰКП-ның Басқарма төрағасының орынбасарының сөзінше, Іскерлік кеңесті құрудағы жаңалық жыл сайын кездесіп отыру нормасы. «Яғни қазақстандық кәсіпкерлер ЕАЭО іскерлік ортасының өкілдерімен жылына бір рет бас қосып, өзекті мәселелерді талқылайтын болады»,-деді төрағаның орынбасары.    

 Индира Кауметова