Б.Сапарбаев: ҚР-да жұмыссыздық деңгейі 5 пайызды құрайды (Фото)

21 Мамыр, 2015 17:03

Қазақстанда жұмыссыздық деңгейі 5 пайызды құрайды, бұл 10-нан 20 пайызды көрсететін елдерге қарағанда оңтайлы көрсеткіш, деді Премьер-Министрдің орынбасары Бердібек Сапарбаев Астана экономикалық форумында.

«2014 жыл мен 2015 жылдың 4 айының зерттеуі бойынша Қазақстанда экономикалық белсенді халыққа шаққанда жұмыссыздық деңгейі 5 пайызды құрайды. Бұл оң көрсеткіш. Кейбір елдерде жұмыссыздық деңгейі 10-20 пайызды құра жатады», - деді Б.Сапарбаев.

Вице-премьер айтып өткендей, 2007 жылы Қазақстанда Жұмыспен қамтудың жол картасы қабылданды, ол әлемдік дағдарыс кезінде жұмыспен қамтыды.

«Қазақстандықтар арасында 1 млн адам жұмыссыз деп жоспарланды, алайда Елбасының тапсырмасымен Үкімет тарапынан қабылданған шаралар бұл жағдайды болдырмады. Қазір жол картасы өте үлкен рөл атқарады», - деді ол.

Айта кетейік, Қазақстанда жұмыссыздықпен күресетін, жұмыспен қамтитын өзге де мемлекеттік бағдарламалар жұмыс істейді.

Анар Тәңірқұлова

Суретке түсірген Азамат Әлиев