Астанада жыл басынан бері 6 мыңға жуық жаңа жұмыс орны ашылды
Астана қаласында «Жұмыспен қамту жол картасы - 2020» бағадарламасы бойынша 18 мыңнан астам жаңа жұмыс орнын ашу көзделген. Жыл басынан бері елордада 5746 жаңа жұмыс орны құрылған. Астана қаласы Жұмыспен қамту орталығының мәліметіне сәйкес, қаңтар-сәуір айларында 1664 тұрғын мемлекеттік бағдарлама бойынша жұмыспен қамтылған.
Еске сала кетейік, «Жұмыспен қамту жол картасы - 2020» мемлекеттік бағдарламасы аясында арнайы қайта даярлау курстарынан өтіп, жаңа мамандық иесі атануға болады. Сонымен қатар, жоғары оқу орындары мен колледждердің түлектері алғашқы тәжірибені жастарға арналған тәжірибелік жұмыстарды атқара отырып жинай алады. Еңбекақы мөлшері 46 000 теңгені құрайды, тәжірибелік жұмыс істеу мерзімі - 6 ай.
Одан өзге, жастарды жұмыспен қамтуға арналған арнайы мобильдік пунктер де бар. Ол жерде қала тұрғындары жұмыспен қамтуға байланысты барлық көкейдегі сауалдарына жауап алып, бос жұмыс орындарын таңдай алады.
