СҚО-да ИИДМБ аясында 20 кәсіпорын өндірісті іске қосады

Аймақ әкімдігінен хабарлағандай, ағымдағы жылдың қаңтар айында пластмас, метал және құбыр өнімдерін өндіретін «Радуга»ЖШС іске қосылды. Өндіріс барысында тиімді технологиялар пайдаланылады, жоспарланып отырған жылдық қуаттылық  1000 тонна өнім өндіру.

««ЖНВ» ЖШС Индустрияландыру картасына сапалы ет өнімдері мен жартылай фабрикат өндірісін артыру жобасымен енді. Жоспарланып отырғандай, жылына 180 тоннадан астам өнім өндірілетін болады. 2014 жылы компания Беларусиядан  лимузин тұқымдас етті болып келетін мал сатып алды. Жалпы, «ЖНВ»ЖШС жобаны жүзеге асыруға ағымдағы жылдың наурыз айында кірісіп кеткен», - делінген хабарламада.

Бұдан басқа, ағымдағы жылдың наурыз айында Қызылжар ауданындағы «Зенченко и К» КС екі желэнергетикалық қондырғыларды орнату бойынша жобаны жүзеге асырды. Жалпы, серіктестіктің бұдан басқа дәл осындай төрт қондырғысы бар. Олар шаруашылықтың электр энергия қажеттілігінін толығымен қамтамасыз етеді, осылайша шығынды азайтады.

Ағымдағы жылдың мамыр айныда аймақтың Индустрияландыру картасына енген тағы үш жоба іске қосылатын болады. Сонымен, Аққайын ауданындағы «Ростан»ЖШС жаңғырту жұмыстарын жүргізді, енді оның өндіріс қуаттылығы жылына 140 тоннаға дейін жетеді.

Петропавлда құрылыс саласындағы екі жоба іске қосылады, олар: композитті материалдар өндірісімен айналысатын «Полимерді композиттер зауыты» және Жүнісов ЖК жылутиімді блоктар өнірісін кеңейту арқылы нарыққа шығады.

Индустрияландыру картасының тағы 14 жобасына жыл соңына дейін бастау беріледі.

Айта кетерлік жайт, 2015-2019 жылдарға арналған аймақтың Индустрияландыру картасына 39 солтүстікқазақстандық компания енгізілген.