Алматыда абаттандыру ережелерін орындау бойынша тексеру жүргізілуде

21 Мамыр, 2015 08:36

Алматыда әкімдік пен табиғатты қорғау полициясы,қоршаған ортаны қорғау мен «Медеу» мемлекеттік мекемесі өкілдерінің қатысуымен ішкі аулаларды абаттандыру ережелерінің орындалуы бойынша рейдтік тексерулер жүргізілуде, деп хабарлайды Алматы қалалық әкімдігі.

Акцияның мақсаты – ішкі аулалардың аймағын көлік тұрағына айналдыру әрекеттерінің алдын алу, рұқсатсыз қозғалысты шектеу белгілерін орнату, ереже бұзушыларға әкімшілік тұрғысынан жауапқа тарту болып табылады.

Алматы қаласын абаттандыру ережесінің 16-шы бабына сәйкес, аула аймақтарында көліктің жүрісіне кедергі келтіретін балкалар мен блоктар және өзге де шектеу құралдарын орнатуға және бұзылған көліктерді арнайы белгіленген орындарға болмаса қоюға тыйым салынатындығы хабарланады.

Аталмыш хабарда сонымен қатар, қалалар мен елді мекендерді абаттандыру ережелері мен инфрақұрылым нысандарын бұзу, қаланың жасыл алқаптарына зақым келтірілгені үшін жауапкершілік қарастырылған. Ол үшін заңда ескерту жаасау мен айыппұл салу түрінде әкімшілік жауапкершіліктер қарастырылған.

Барлық жаңалықтар