Алматыдағы Қазақстан-Литва бизнес форумына 80 литвалық кәсіпкер қатысты

Алматы қаласының әкімі Ахметжан Есімов қазақстандық - литвалық бизнес форумды ашқан кезде айтты және мегаполис пен Литва арасындағы екі жаққа да пайдалы экономикалық байланыстың тұрақты дамып келе жатқандығын жеткізді.

2014 жылдың қорытындысы бойынша Алматы мен Литва арасындағы тауар айналымы 180 млн. АҚШ долларын құраған, соның ішінде экспорт - 123 млн. долларға, ал импорт - 57 млн. долларға жеткен. Бүгінгі күні Алматыда 39 біріккен, 86 литвалық капиталмен жұмыс істейтін кәсіпорын тіркелген.

Делегация басшысы, Литва Премьер-министрі Альгирдас Буткявичюс Алматының Қазақстан мен Литва арасындағы тұрақты экономикалық байланыстың шынайы көрінісі екендігін атап өтті. Екі ел арасындағы тауар айналымы алты жыл ішінде едәуір артқан, ал 2014 жылы 1 млрд. АҚШ долларын құраған, ал Орта Азияның өзге барлық елдерімен арадағы тауар айналымы 75%-ды ғана құрап отыр.

«Бүгін менімен бірге 80 литвалық компаниялар өкілдері - кәсіпкерлердің үлкен делегациясы келді. Бұл Қазақстанның Литва үшін Орта Азиядағы ең басты саяси және экономикалық серіктес екендігін көрсетеді. Ал Алматы Литва мен Қазақстан арасындағы өзара байланыстың құрамдас бөлігі», - деп қорытындылады сөзін А.Буткявичюс.