Қазақ хандығының 550 жылдығына арналған конференцияда заңдардың пайда болуының тарихи аспектілері қарастырылды
Өңірлік ғылыми конференцияға Семей қаласының әкімі Айбек Кәрімов, Шығыс Қазақстан облысының Семей қаласының мамандандырылған әкімшілік сотының төрағасы Мұқашов Кенжеш Мұқашұлы қатысты.
Сондай-ақ, шараға тарих ғылымдарының докторы, профессор, Қазақ Ұлттық ғылым академиясының корреспонденті, Абай атындағы Қазақ Ұлттық педагогикалық университетінің «Әлеуметтік тарих» кафедрасының меңгерушісі Қойгелдиев Мамбет Қожабайұлы сынды ғалымдар мен еліміздің тағы да ЖОО-нан ғалымдар мен қонақтар қатысты.
Ғылыми конфенренцияда «Қазақ даласындағы Ресей мемлекеті бекіткен заңдар және Қазақ елінің құқықтық жүйесі мен сот қызметі, билер дайындаған ережелер (ауылдық, болыстық және төтенше билер сотының жұмысына қатысты), Абай Құнанбайұлы жазған «Қарамола» ережесі т.б. заңдардың Қазақ елінің құқығы мен билер сотын жаңғыртуға қосқан үлестері» сияқты кең көлемдегі тақырыптарды талқыланды.
