ШҚО-ның әділет органдары ХҚКО-ға келушілерге кеңес берді
20 Мамыр, 2015 19:51
«ХҚКО» РМК Шығыс Қазақстан облысы бойынша филиалының ғимаратында ШҚО Әділет департаментінің қызметкерлері, «Нұр Отан» партиясының Шығыс Қазақстан облыстық филиалының өкілі, жекеше нотариус, адвокат және Шығыс Қазақстан облысы Бағалаушылар палатасы өкілдерінің қатысуымен «Әділет кеңес береді» акциясы өткізілді, деп хабарлады ШҚО әділет департаменті.
Акция барысында іс-шараға қатысушылардың көпшілігі сот актілерін орындауға қатысты, жылжымайтын мүлікке құқықтарды, заңды тұлғаларды тіркеу және т.б. бойынша кеңестер алды.
Акция соңында тұрғындар Шығыс Қазақстан облысы Әділет департаментінің қызметкерлеріне алғыстарын білдіріп, алдағы уақытта осындай акциялардың жалғасып тұруы жайындағы өтініштерін білдірді.
