• Басты
  • Қазақстанның әрбір өңірі өзінше, қызықты әрі ерекше – Ұлттық музей директоры

Қазақстанның әрбір өңірі өзінше, қызықты әрі ерекше – Ұлттық музей директоры

20 Мамыр, 2015 20:11
Қазақстанның әрбір өңірі өзінше, қызықты әрі ерекше, деді Қазақстан Республикасының Ұлттық музейінің директоры Дархан Мыңбай «Павлодар Ертісінің жағалауы тарих толқынында» атты көрмеде.

«Қазақстанның әрбір өңірі өзінше, қызықты әрі ерекше. Павлодар облысы түрлі экспонаттарды ұсынды. Әсіресе қызықтыратыны қаздардың қоныс аударуы – мұнда тек Павлодар облысы мен Канададан ғана табылған аңдардың қалдықтары бар. Сонымен қатар, пластинкалар жинағы қызықтырады, қазіргі таңда олардың ешқайсысы қолданыста жоқ, бірақ мұнда сақталып, осында қойылды. Мысалы Кенен Әзірбаевтың Ұлы Отан соғысының алғашқы жылына арнаған әні»,-деді Д.Мыңбай.

Оның сөзінше, Павлодар облысы тек өнеркәсіп өндірістерімен ғана емес, мәдениет және ғылымымен де тартымды.     

«Павлодар облысында қылқалам шеберлері де көп, біз оларды көрдік. Олар еліміздің өзге аймақтарындағы суретшілерден ерекше. Павлодар облысы тек өнеркәсіп аймағы ғана емес, ол мәдениет пен ғылым жағынан да өзінше ерекше өлке»,-деген ойымен бөлісті музей басшысы.    

Естеріңізге сала кетейік, «Павлодар Ертісінің жағалауы тарих толқынында»  көрмесі Ұлттық музейдің «Қазақстан ғасырлар тарихы қойнауынан» атты жобасының аясында өтіп жатыр. Көрмені еліміздің азаматтары екі айға дейін тамашалай алатын болады.  

Анар Тәңірқұлова

 

Барлық жаңалықтар