ИИДМБ: «Led system media» ЖШС 79,2 млн теңгенің жарықдиодты өнімдерін шығарды

20 Мамыр, 2015 14:47

ҮИИД МБ аясында «Астана – Жаңа қала» арнайы экономикалық аймағы индустриалдық паркінің аймағында 2010-2012 жылдар аралығында құны 700 миллион теңге тұратын жарықдиодты өнімдерді шығару жобасы жүзеге асырылған.

Қазіргі таңда «Led system media» компаниясы «Самұрық-Қазына» әл-ауқат қоры» АҚ-мен бірге 2012 жылдан бастап, Астанада жарықдиодты өнімдерді шығарады.

«Өндіріс ошағында жарықдиодтарын орналастыру желісі орналасқан, қуаты айына 1 миллион дана. Бірлескен кәсіпорын көше жарықтандырғыштарын, өндіріс ғимараттарын жарықтандырғыштарды, бағдаршамдар, темір-жол белгілерін, тұрмыстық лампаларды және жарық диодтарын шығарады. Өнімдерді Қазақстанның Павлодар, Ақсу, Петропавл, Шымкент, Қызылорда, Семей сияқты өзге де өңірлері қажет етеді»,-деді компания өкілдері.

Айта кететін мәселе, «Led system media» ЖШС 79,2 миллион теңгенің өнімдерін осы уақыттың өзінде шығарып үлгерді және олар 28 жұмыс орнын құрды.

Кәсіпорындарда өнім сапасын бақылайтын зертхана, түптеу өндірісі цехы бар, осы уақытта құрамында сынабы бар лампаларды сақтау цехының құрылысы аяқталуға таяу.

Анар Тәңірқұлова

Барлық жаңалықтар