ЕЭК ҚР ҰКП-мен бірге заңсыз бәсекелестік фактілерін анықтайтын болады (Фото)

20 Мамыр, 2015 13:02

ЕЭК алқасының Бәсекелестік және монополияға қарсы реттеу жөніндегі мүшесі Нұрлан Алдабергенов пен ҰКП Басқарма төрағасы Аблай Мырзахметов өзара түсітінстік пен ынтымақтастық жөніндегі меморандумға қол қойды, оның аясында тараптар заңсыз бәсекелестік фактілерін анықтайтын болады.

«Меморандумға ірі өндірушілер тарапынан болатын қандай да бір тәртіп бұзу әрекеттерін анықтау үшін қол қойылды. Қазақстан үшін электр энергиясы, темір жол, азық-түлік, өнеркәсіп өндірісі маңызды. Көп жағдайда біз тауарды Кедендік Одақ елдері мен үшінші мемлекеттерден аламыз, сондықтан да бізге бірінші кезекте өзіміздің нарығымызды қорғау маңызды. Егер біз елге әріптестерімізді кіргізетін болсақ, оған бірдей шарттар қойылуы керек. Жағдайды пайдалану немесе бөліп-жіктеу деген борлмауы керек»,-деді Н.Алдабергенов.

Айта кететін мәселе, меморандум негізінде құрылған бірлескен жұмыс тобы заңсыз бәсекелестікті және бесекелестікке қарсы келісімдерді, ЕАЭО аясындағы трансшекаралық аймақтарда қазақстандық кәсіпкерлерге қарсы басымдықтарды пайдалану жағдайларын анықтап, материалдарды ЕЭК-да қарау үшін жеткізіп, тиісті іс-шаралар бойынша іздестіру жұмыстарымен айналысады.

Анат Тәңірқұлова

Суретті түсірген Азамат Әлиев

Барлық жаңалықтар