ҚТЖ-да ЕАЭО талабына сай темір жол өнімдерінің сәйкестігін бағалау талқыланды

20 Мамыр, 2015 11:37

«ҚТЖ» ҰК» АҚ –да темір жол өнімдерін тіркеу, бағалау және сапалық деңгейін Еуразиялық экономикалық одақтың стандарттарына сәйкестендіру мәселесіне арналған «дөңгелек үстел» отырысы өткізілді, деп хабарлады «ҚТЖ» ҰК» АҚ.

Оған «Тіркеудің Ұлттық орталығы» ЖШС мен «Талапқа сәйкестігін бағалау органдарының Қазақстандық қауымдастығы» ЗТБ, сынақ зертханалары, салалық институттардың өкілдері қатысты.

Кеден Одағының регламенті күшіне енгізілетін 2016 жылдың тамызына дейін Қазақстан, Ресей мен Белорусь мемлекеттерінің темір жолдары өнімдерінің нормативтік- құқықтық базаларды, стандарттарды жетілдіруі қажет етіледі.

«ҚТЖ» ҰК» АҚ Басқарушы директоры - бас инженері Серік Төлебаевтың айтуынша, компанияның корпоративтік сайтында ЕАЭО стандарттарына қатысты құжаттарды сәйкестендіру техникалық реттеу мәселері орналастырылған. Сондай-ақ, оны түзету, нормативтік базаларды бірегейлендіруге мүмкіндік жасалған.

Кеден Одағы Техникалық регламенттерінің іске қосылуына байланысты өнімдердің сапасына талап күшейтіледі. Себебі, сертификаттау мен декларацияландыруға тиісті өнімдердің түрлері молаяды. Мұндай жағдайда өнімдерді сапалық сәйкестігін анықтайтын органдардың, сынақ орталықтары мен темір жол әкімшіліктерінің бірлесе қимылдауы қажет болып табылады.

Дөңгелек үстел отырысы барысында Кеден Одағындағы Техникалық регламенттеу мен оған қажетті стандарттардың маңыздылығы жоғары.

Сонымен қатар темір жол көлігіне қауіп төндіретін өнімдерді шығаруды сертификаттау мен оған жауаптылықты күшейту мәселесі қаралды. Бүгінгі таңда темір жол өнімдерін бағалауға қатысты мекемелердің өзара ынтымақтаса және ашық, жариялы түрде жұмыс жасауы қажеттілігі байқалды.

Барлық жаңалықтар