Ақмола облысында көктемгі егін егу науқанын жүргізу үшін арзандатылған 65 мың тонна дизельді отын бөлінді (ФОТО)

Аталып өткендей, жаздық егіс 4 млн 700 мың гектор алаңға егіледі деп жоспарлануда. Оның ішінде 4,2 млн гектарға астық және дәнді-бұршақты дақылдарды, 268 мың гектарға майлы дақылдар, 18,6 гектарға картоп, көкеніс 4,4 мың гектарға, 202 мың гектарға мал азығы дақылдар егілетін болады.

«Бүгінгі таңда шаруалар 523 мың тонна тұқымдармен және 65 мың тонна арзаңдатылған дизельді отынмен қамтамасыз етілді. Көктемгі егін егу науқанына мыңнан астам кешен мен 17 мың шамасында астық агрегаттары тартылған», - делінген хабарламада.

Ақмола облысы әкімі Сергей Кулагин егін алқабында шаруалармен кездесіп, Зеренді және Сандықтау ауданындағы егін егу науқанымен танысты.

Аграрилермен кездесу барысында аймақ басшысы егін егу науқанын А.И. Бараев атындағы институттың ғалымдарының ескертпелерін ескере отырып  ұйымдасқан тұрғыда өткізу қажеттігін баса айтты.

Өз кезегінде, шаруалар мемлекеттің көрсетіп отырған қолдауы үшін алғыс білдірді.

Естеріңізге сала кетейік, аймақта ылғалды жабу бойынша жұмыстар аяқталды.