• Басты
  • Қазақстан тұңғыш рет Турин халықаралық кітап көрмесіне қатысты

Қазақстан тұңғыш рет Турин халықаралық кітап көрмесіне қатысты

20 Мамыр, 2015 08:54
Осы жылдың 14-18 мамырында Италияның Турин қаласында кітап басылымы саласындағы халықаралық «Salone Internazionale del Libro» Халықаралық кітап көрмесі өтті, деп хабарлады ҚР СІМ.

«Алматыкітап баспасы» көрмеге қазақстандық жазушылардың жаңа кітаптарын, балалар әдебиетін, қазақ халқының мәдениеті мен тұрмысын, салт-дәстүрлерін, батыр және лирикалық жырларын қамтитын «Менің Қазақстаным» жинағының қазақ, орыс және ағылшын тілдерінде шыққан басылымдары мен альбомдарын ұсынды.

«Қазақстан Елшілігі кітап жәрмеңке қонақтары мен қатысушыларына итальян тілінде шыққан еліміз туралы кітаптар, кітапшалар мен буклеттерін, сондай-ақ Президент Н. Назарбаевтың «Еуразия жүрегінде» және «G- global: ХХІ ғасыр әлемі» шығармаларын ұсынды», - делінген хабарламада.

Елші Андриан Елемесов қазақстандық стендке келген қонақтарды қарсы алып, қазақстандық жазушылар шығармашылығын Италияда таныстыру Қазақстанның мәдени мұрасын Еуропаға таратуға зор мүмкіндік береді деп атап өтті. Ол еліміздің Турин көрмесіне қатысуы Қазақстан мәдениетінің жаһандық мәдени мұраның ажырамас бөлігіне айналуына ықпал етеді деп сенім білдірді.

Қазақстандық стенд бағдарламасы шеңберінде кітаптардың көпшілік назарына ұсынылуымен қатар бірқатар тұсаукесерлер өтіп, авторлар мен итальяндық сарапшылардың Қазақстан Республикасындағы саяси, экономикалық және мәдени өмірдің түрлі аспектілеріне арналған баяндамалары ұйымдастырылды.

 

Барлық жаңалықтар