Қ.Сұлтанов: Арнайы баяндамада адам саудасының алдын алудағы кеңестер мен қорытындылар көрсетілген

19 Мамыр, 2015 17:42

Баяндамада адам саудасының алдын алудағы кеңестер мен нәтижелер көрініс тапқан, деді Парламент Мәжілісінің депутаты, ҚР Президенті жанындағы Адам құқықтары жөніндегі комиссия төрағасы Қуаныш Сұлтанов Адам құқықтары жөніндегі комиссияның арнайы баяндамасының халықаралық таныстырылымында.

«Бүгін біз қараған мәселе «ҚР адам саудасына қарсы тұру саласындағы адам құқықтарынқорғаудың өзекті мәселелері» деп аталады. Бұл жаһандық деңгейдегі мәселе, осыған қарай ол тек Қазақстанға ғана тән емес, бұл проблема әлемдік державаларда да туындап отыр. Әлемде адам саудасымен байланысты мәселе өзекті болып отыр, әсіресе адам өмірінің сапасы төмен тұрақсыз мемлекеттерде. Біз қоғам назарын аударып, арнайы баяндама дайындау үшін жыл бойына осы мәселені зерттедік»,-деді Қ.Сұлтанов.

Осылайша, баяндамада Қазақстандағы адам саудасына қарсы тұру бағытындағы ұлттық заңнама мен құқыққолдану тәжірибесіне салыстырмалы талдау жасалып, адам саудасының құрбанына айналған азаматтардың жағдайына баға беріліп, осы бағытта туындаған проблемалар анықталды, олардың шешу жолдары ұсынылды.

«Баяндамада адам саудасының алдын алуға бағытталған кеңестер мен қорытындылар көірініс тапқан, қылмыстық үдерістен бөлек адам саудасының құрбанына айналғандардың құқықтық мәртебесін заңдық бекіту, осы саудадан зардап шеккендерге арнайы қызмет көрсетудің бірыңғай стандартын енгізу мәселелері қарастырылған»,-деді Қ.Сұлтанов.

Ботагөз Айтжанова

Барлық жаңалықтар