Астанада Жастардың IV бүкіләлемдік экономикалық форумы өтеді

19 Мамыр, 2015 17:22

Астанада биылғы жылдың 20-мамырында «ҚазМЗУ» акционерлік қоғамында «Бүгін студент-ертең ЭКСПОнент» атты Жастардың IV бүкіләлемдік экономикалық форумы өтеді, деп хабарлайды университеттің баспасөз қызметі.

Форумға жас ғалдымдар, студенттер, кәсіпкерлер, экономистер, инноваторлар, дипломаттар, саясаткерлер мен қаржыгерлер қатысады. Олардың арасында Ресейден 50, Еуразияның 20 мемлекетінен өкілдер қатысады. Форум барысында «Еуразиялық кеңістіктің тұрақты инфрақұрылымын қалыптастыру», «Еуразия елдерінің экономикалық климаты: бизнестің жас көшбасшыларының диалогы» атты тақырыптарда екі панельдік сессия өтеді.

Естеріңізге сала кетейік, Жастардың бүкіләлемдік экономикалық форумы 2011 жылғы Астана экономикалық форумының аясында өтеді. Жақында Ресейдің Екатеринбург қаласында «Өркениеттер диалогы: соғыссыз әлем» атты VI жастардың еуразиялық экономикалық форумы аяқталды. Оған әлемнің 60-тан астам мемлекетінен 6 мың адам қатысты. Қазақстанда өткелі отырған форум осы шараның жалғасы.

Барлық жаңалықтар